Gazetarët protestojnë në Prishtinë

Në Ditën Botërore të Lirisë së Shtypit, në Prishtinë gazetarët kanë protestuar me ftesë të Asociacionit të Gazetarëve të Kosovës. Motoja e protestës ishte “Mosndëshkimi vret lirinë e shprehjes”, transmeton albinfo.ch.

Majlinda Aliu nga AGK ka deklaruar se gazetarët duan përmirësim dhe rritje të bashkëpunimit me institucionet e sigurisë dhe drejtësisë. Ajo ka deklaruar se gjykatat nuk janë efikase në zgjidhjen e rasteve që shqetësojnë gazetarët. Aliu ka deklaruar se në AGK janë raportuar 8 raste të sulmeve, kërcënimit e dëmtimit të pronave ndaj gazetarëve vetëm në 5 muajt e fundit.