Gashi: Kinematografia e vendit tonë, shembull i suksesit

Ministri i Kulturës, Kujtim Gashi, njofton se ka vizituar pavijonin e Kosovës në Festivalin e filmit në Kanë. Ai atje ka takuar drejtorin e Qendrës Kinematografike të Kosovës, Arben Zharku dhe kryetarin e Qendrës Kombëtare të Kinematografisë së Shqipërisë, Ilir Butka.

“Të dy drejtorët më njoftuan për rrjedhën e punëve në Festivalin e Kanës dhe prezantimin e kinematografisë së Kosovës dhe Shqipërisë që po bëhet në tregun më të madh të filmit në botë”, ka thënë Gashi, përcjell albinfo.ch.

Ai ka zhvilluar edhe disa takime me udhëheqës të pavijoneve të vendeve të ndryshme, ndër ta edhe drejtorin e Fondit Izraelit të Filmit, Katriel Schorry. Ministri takoi edhe përfaqësuesit e pavijonit të Turqisë, ku takoi edhe artistët turq, të cilët i inkurajoi të bashkëpunojnë edhe me shumë me Kosovën.