Gashi fiton tjera çmime në Amerikë

Sulmuesi shqiptar ka fituar çmimin për golin më të bukur në ligë, si dhe golin më të bukur të vitit në klubin e tij, që janë dy gola të ndryshëm

Sulmuesi i Kombëtares shqiptare, Shkëlzen Gashi ka pasur një sezon të shkëlqyer me Colorado Rapids, shkruan albinfo.ch.

Ai në këtë sezon ka shënuar disa gola të jashtëzakonshëm, kurse dy prej tyre janë përzgjedhur si më të mirat.

Sulmuesi shqiptar ka fituar çmimin për golin më të bukur në ligë, si dhe golin më të bukur të vitit në klubin e tij, që janë dy gola të ndryshëm.

Goli i vitit në MLS është shpallur gjuajtja e lirë ndaj Vancouver Whitecaps FC, kurse goli i vitit i përzgjedhur nga ana e fansave të Colorado Rapids është goditja e bukur jashtë zonës së rreptësisë ndaj LA Galaxy. Ai në këtë sezon ka shënuar nëntë gola në sezonin e rregullt, dhe një në “playoff”.