“Gallery70”, galeria e parë shqiptare në një panair arti në Gjermani

Panairi i Këlnit do të zhvillohet nga data 20-23 prill 2023

Lauresha Basha, drejtuese e Gallery70 në Tiranë, ka njoftuar për albinfo.ch se javën e ardhshme do të marrin pjesë në “Discovery Art Fair Cologne”.

“Jemi galeria e parë shqiptare që prezantohet në një panair arti në Gjermani. Stenda jonë do të prezantojë një dyshe artistësh: Jon Kraja (Shqipëri) dhe Martin Stommel (Gjermani)”, ka njoftuar Basha për albinfo.ch.

Gallery70 ka filluar aktivitetin që në vitin 2017. Mbi 40 artistë shqiptarë dhe të huaj janë prezantuar me ekspozita personale dhe në grup. Midis artistëve shqiptarë mund të përmendim me krenari Lumturi Blloshmi (pas vdekjes) Jakup Ferri, Orion Shima, Jon Kraja, Edison Ceraj, Shpetim Kërcova, Alban Hajdinaj, Ergys Zhabjaku, Ardian Isufi e shumë të tjerë, shtoi tutje Lauresha Basha.

Panairi i Këlnit do të zhvillohet nga data 20-23 prill 2023.

---