Futbollisti shqiptar nën efektin e alkoolit shkakton aksident, lëndohen tre persona

Tre persona kanë mbetur të lënduar, derisa futbollisti ishte nën efektin e alkoolit. Gjithnjë sipas mediave italiane, një 33-vjeçare është më rëndë, kurse të lënduar kanë mbetur një 41-vjeçar dhe një vajzë

Karriera e Elvis Kabashit ka pasur rënie të madhe kohët e fundit. Por, futbollisti në pronësi të Juventusit nuk po kalon ditë të mira as jashtë fushës së blertë.

Kabashi ka shkaktuar një aksident të rëndë automobilistik në Forte Dei Marmi, ku mësohet se janë përfshirë dy makina dhe një motor, shkruajnë mediat italiane.

Futbollisti shqiptar, i cili më parë kishte refuzuar Shqipërinë po drejtonte një veturë Mercedes dhe ka goditur një Fiat, duke nisur dinamikën e përplasjes, përcjell albinfo.ch.

Tre persona kanë mbetur të lënduar, derisa futbollisti ishte nën efektin e alkoolit. Gjithnjë sipas mediave italiane, një 33-vjeçare është më rëndë, kurse të lënduar kanë mbetur një 41-vjeçar dhe një vajzë.