Futbollistët që nuk luajnë, nuk ftohen në Evropian

Përzgjedhësi i Shqipërisë, Gianni De Biasi ka qenë i qartë se lojtarët shqiptarë që nuk aktivizohen me skuadrat e tyre nuk do të ftohen në Kampionatin Evropian, që gjatë verës zhvillohet në Francë.

“Gashi e Xhimshiti duhet të gjejnë skuadër, gjithashtu edhe Mavraj, edhe pse te rasti Mavraj është edhe alibia që vjen pas dëmtimit. Janari është muaji që këta duhet të gjejnë një zgjidhje për të siguruar vazhdimësinë në fushë. Nuk e di se çfarë do të ndodhë me Manajn, i cili po ashtu ka pak hapësirë te Interi, por në janar mund të gjejë një zgjidhje tjetër.

Por, edhe ai ka mundësi që të jetë në qendër të vëmendjes. Shpresoj që lojtarët të rikuperohen ga lëndimet, pasi kanë qenë të rëndësishëm në rrugëtimin tonë të kualifikimit”, ka thënë De Biasi për “Ora News”, përcjell albinfo.ch.