Francë: Distria Krasniqi kalon në finale të Kampionatit Evropian të xhudos

Sportistja shqiptare, Distria Krasniqi, po vazhdon me paraqitje fantastike në Kampionatin Evropian të xhudos që po mbahet në Montpellier të Francës, përcjell albinfo.ch.

Kampionia olimpike është kualifikuar në finale të Evropianit në kategorinë deri në 52 kilogramë.

Distria Krasniqi në gjysmëfinale ishte më e mirë se italiania Odette Giuffrida, e cila u diskualifikua pas tri penalizimeve.

Në finale, Distria do të përballet me xhudisten franceze, Amandine Buchard.

Kurse, në kategorinë deri në 57 kilogramë, Nora Gjakova do të ndeshet me gjermanen Seija Ballhaus për medaljen e bronztë.