Fotosesioni dramatik i dasmës, dhëndri shpëton djaloshin nga mbytja në ujë

Një fotosesion në Kanada ka marrë kahe dramatike, pasi dhëndri ka kërcyer në një lum për të shpëtuar një djalë të vogël nga mbytja.

Clayton dhe Brittany Cook ishin duke pozuar për fotografitë e dasmës në një urë në Cambridge, Ontario, kur dhëndri vuri re djaloshin në ujë.

Duke mos u brengosur fare për kostumin e tij, Cook kërceu në ujë dhe e nxori djalin e vogël.

Fotografitë e dasmës tani kanë shpërthyer në internet, përcjell albinfo.ch.

“Fytyra e tij ishte nën ujë dhe ai po luftonte, sikurse vërtetë në luftë”, ka thënë Cook për “CTV News”. “Fatmirësisht, ishte vetëm një djalë i vogël dhe sinqerisht vetëm e nxora jashtë”.

Cook ka bërë të ditur se djaloshi ishte shtyrë në ujë nga një prej miqve të tij.

Fotografi i çiftit Darren Hatt kishte thënë se zonja Cook kishte parë e para djalin teksa përmbytej dhe pasi kishte bërtitur, dhëndri kishte kërcyer në ujë.