Folklori muzikor, këngë e valle shqipe në klasat e Bernës

Nxënësit e diasporës shqiptare në Bern po zhvillojnë me sukses mësimin e gjuhës shqipe

Në qytetin e Bernës, nxënësit e diasporës shqiptare po ndjekin me shumë zell dhe dashuri mësimet e gjuhës shqipe, shkruan albinfo.ch.

Mësimi po zhvillohet me rregull dhe me përmbajtje të pasur kulturore, duke u përqendruar së fundmi në folklorin muzikor shqiptar, instrumentet tradicionale, si dhe në këngët dhe vallet popullore.

Këto tema po ndihmojnë fëmijët të njohin më mirë rrënjët dhe trashëgiminë e tyre kombëtare, duke i lidhur me historinë dhe kulturën shqiptare përmes këngës, ritmit dhe lojës.

Përveç pjesës teorike, nxënësit patën mundësinë të praktikonin edhe vallezimin, duke përjetuar nga afër emocionin dhe gëzimin që sjell muzika shqiptare. Në atmosferë të gjallë dhe bashkëpunuese, ata mësojnë jo vetëm gjuhën, por edhe ndjesinë e përkatësisë e krenarisë për origjinën e tyre.

Postim nga Shkolla Shqipe Ostermundigen – Bern:

“Me nxënësit e Shkollës Shqipe Ostermundigen Bern – Tema: Folklori muzikor, instrumentet, këngët dhe vallet popullore. Mësuam, por edhe praktikuan nxënësit në klasë.
Po ashtu mësuam shkronjat, lexuam dhe përmes lojës bashkëbiseduam me nxënësit e tjerë.
Sa të vëmendshëm janë! Kënaqësi puna me këta zogj të shqipes.”

Video

https://www.facebook.com/100022782200254/videos/pcb.2080566226046097/1506504130568432

---