Fitore e vështirë e Zvicrës

Në ndeshje, në formacionin startues u paraqitën Behrami dhe Shaqiri, ndërsa nga minuta e 65-të Behramin e zëvendësoi Xhemaili. Golin e vetëm e shënoi Seferovic, me pasimin e Shaqirit

Në minutën e fundit të kohës së rregullt Zvicra ka mundur ta shënojë golin shpëtimtar, për të përmbysur rezultatin e bardhë që kishte mbretëruar deri në atë moment. Seferovic e ka shënuar golin për Zvicrën në minutën e 90, gol që atij ia përgatiti Xherdan Shaqiri.

Për 90 minuta Zvicra superiore në sulm nuk ka ditur ta gjejë rrugën për te porta e Qipros, gjë që ka shkaktuar frustrim te publiku adhurues i Zvicrës. Sidoqoftë, fitorja e arritur në fund është ajo që numërohet dhe Zvicra me këtë fitore mban vendin e parë në grupin e kualifikimeve.

Siç ishte paraparë, në ndeshje, në formacionin shartues u paraqitën Behrami dhe Shaqiri, ndërsa nga minuta e 65-të Behramin e zëvendësoi Xhemaili.

Behrami gjatë gjithë kohës sa ka qenë në fushe është dalluar me vrapim dhe angazhim të palodhshëm ndërsa Shaqiei, përveç disa shanseve për gol, nuk ka qenë sa duhet i pranishëm në lojë. Por, këtë e ka kompensuar me pasimin që i bëri topit në minutën 90 deri te Seferovici, i cili e shënoi golin aq të pritur nga zviceranët. 

Blerim Xhemaili brenda rreth 25 minutave sa ishte në fushë, nuk ka treguar ndonjë performancë që të mbahet mend.