Fitore e thellë për Albania Zurich

Skuadrat shqiptare në Zvicër po vazhdojnë me suksese në ligat ku garojnë. Një ndër to është edhe Albania Zurich. Kjo skuadër po përfaqëson shqiptarët në këtë rajon, derisa lojtarët janë nga të gjitha trevat shqiptare.

Misioni kryesor i këtij ekipi është promovimi i kulturës shqiptare, ndërsa në vitet e fundit janë hedhur edhe shumë hapa përpara, shkruan ‘Shqipëria.ch’.

FC Albania Zurich e ngjitur në Ligën e Tretë gjatë këtij sezoni, ka marrë një fitore jetike, pasi ka mundur Regensdorfin me rezultatin e thellë 5:2, përcjell albinfo.ch.

Skuadra shqiptare renditet në vendin e dhjetë, me nëntë pikë të marra në po aq javë të zhvilluara.

I ftuar i veçantë në ndeshjen e fundit për klubin e FC Albania Zurich, ishte edhe figura e njohur sportive në Shqipëri, Redi Jupi, që ka bërë edhe një fotografi së bashku me skuadrën dhe presidentin e saj, Sokol Dautin, pas triumfit të arritur.