Lajme
Firma greke “Aktor” fiton tenderin për ndërtimin e tunelit Tiranë – Elbasan
Kostoja totale e këtij projekti është 407 milion dollarë dhe bën të mundur që këto dy qytete të shndërrohen pothuajse në një treg të vetëm.
Agjencia e Prokurimeve Publike ka shpallur zyrtarisht fituesin e tenderit për ndërtimin e tunelit të autostradës Tiranë – Elbasan, e cila është kompania greke “Aktor”. Për këtë vepër infrastrukturore me gjatësi 4 kilometra, Ministria e Transporteve kishte vendosur në dispozicion 15.5 miliardë lekë, kurse “Aktor” ofroi 8.3 miliardë lekë ose 40 % më lirë.
Në tenderin për ndërtimin e kësaj vepre inxhinierike paraqitën interes 26 kompani. Në fazën e dytë u përzgjodhën 13 firma që përmbushën të gjitha kërkesat dhe detyrimet e dokumentacionit ligjor të prokurimit, ndërsa 7 prej tyre paraqitën oferta ekonomike.
Kompania fituese, “Aktor” është themeluar në vitin 1950 dhe është një ndër firmat më të njohura në Europë me një xhiro vjetore 2.7 miliardë euro. Ajo ka të punësuar rreth 10 mije punonjës dhe është e shtrirë në shumë vende të botës.
Ndërkohë, për financimin e një segmenti të kësaj rruge, qeveria e Shqipërisë ka nënshkruar një marrëveshje me Bankën Islamike për Zhvillim, e cila do të jap një kredi me vlerë 220 milion euro, ndërsa pjesa tjetër do të financohet nga buxheti i shtetit.
“Kjo vepër shndërron distancën midis Tiranës dhe Elbasanit në një distancë më të shkurtër se Tiranë-Fushë Krujë dhe bën që këto dy qytete të shndërrohen pothuaj në një treg të vetëm. Kostoja totale e projektit është rreth 407 milion dollarë”, u shpreh pak kohë më parë Kryeministri i Shqipërisë, Sali Berisha.
Ndërtimi i rrugës Tiranë-Elbasan do të përfundojë gjashtëmujorin e parë të vitit 2013 dhe pritet të shkurtoj kohën midis Tiranës dhe Elbasanit nga 75 minuta që është aktualisht në 20 minuta.
Liridon Cecja
E-Diaspora
-
Ekspozita personale “Gjurmët në Medalion” e Valbona Gashit hapet në Konsullatën e Kosovës në Gjenevë Mbrëmë, në hapësirat e Konsullatës së Përgjithshme të Republikës së Kosovës në Gjenevë, u hap ekspozita... -
Krasniqi: Mijëra fletëvotime nga diaspora rrezikojnë të mos arrijnë në kohë në Kosovë -
Mbahen takimet poetike të Nëntorit në Lucern -
Seminar i KKAD me temën “Sfidat e gjuhës shqipe në diasporë” -
Sot fillon afati 11-ditor për regjistrimin e votuesve jashtë Kosovës
Jeta në Austri
-
Piloti austriak bën ulje emergjente afër kufirit me Italinë Piloti austriak bën ulje emergjente në autostradën A2 në Karinthia pranë kufirit italian; nuk ka të... -
Influencerja e zhdukur austriake gjendet e vdekur, brenda një valixheje -
Me 23 nëntor mbahet në Vjenë “Turneu i Pavarësisë” -
Koncert festiv për ditën e Pavarësisë së Shqipërisë në Baden të Austrisë -
Vjenë
Orë letrare në Vjenë në shënim të Ditës së Flamurit











