Filmi “Justice League”, pritet të thyejë rekordet e shikueshmërisë

Filmi me super-heronjtë, “Justice League” besohet se do të jetë më i shikuari këtë fundjavë në kinematë amerikane.

Vazhdimi i fundit i DC Comics pritet që të fitojë së paku 125 milionë dollarë në javën e parë të shfaqjes, ka paraparë studioja “Box Office Pro”. E, në vendin e dytë filmi nga kompanitë “Disney” dhe “Marvel”, “Thor: Ragnarok” me Chris Hemsworth, në rolin kryesor pritet që t’i shtojë vetes edhe 23 milionë dollarë të tjerë këtë fundjavë.

Filmi “Wonder” me Julia Roberts dhe Owen Wilson, në rolet kryesore rreth një djaloshi i cili përjeton vështirësi në jetë nga ngacmimet, meqë vuan nga një sindromë e deformimit në fytyrë, pritet që në fundjavën e parë të shfaqjes të fitojë rreth 17 milionë dollarë. “Murder on the Orient Express” që përcjellë 13 udhëtarë të ngecur në një tren në të cilin ndodh një vrasje do t’i shtojë vetes edhe 16 milionë dollarë.

Në mesin e top pesëshes është edhe filmi “Daddy’s Home 2” me Mark Wahlberg dhe Will Ferrell, në rolet kryesore që mund të fitojë deri në 14 milionë dollarë.