Fillojnë xhirimet e filmit “Perandori”

Projekti më i ri filmik titullohet “Perandori” dhe është i bazuar në romanin me të njëjtin emër të shkrimtares nga Shqipëria, Majlinda Nana Rama. Regjinë e bën Valton Jakupi

Kompania filmike nga Zvicra “International Film Europe Swiss” fillon xhirimet edhe të një filmi të ri, me regji dhe skenar të regjisorit shqiptar Valton Jakupi

Projekti më i ri filmik titullohet “Perandori” dhe është i bazuar në romanin me të njëjtin emër të shkrimtares nga Shqipëria, Majlinda Nana Rama.

Filmi do të trajtojë Shqipërinë e tranzicionit më të gjitha peripecitë që e shoqërojnë.

Producenti i këtij filmi, Valton Jakupi ka thënë se janë përzgjedhur edhe aktorët e filmit, të cilët janë nga Zvicra, Franca, Gjermania dhe Austria ndërsa xhirimet do të fillojnë të shtunën, më 19 nëntor.

“Projekti më i ri i kompanisë “International Film Europe Swiss” – IFES, të shtunën me 19 nëntor 2016 do të fillojë  me xhirimet e filmit më të ri të metrazhit të shkurtë,  me titull “Perandorët”, bazuar në romanin me të njëjtin titull të autores Majlinda Nana Rama.

Regjia dhe skenari janë në autorësi të regjisorit Valton Jakupi ndërsa oganizimi i është besuar Naski Abidxhikut”, thuhet në një kumtesë, përcjell “albinfo.ch”.

Premiera e këtij filmi pritet të shfaqet në muajin dhjetor 2016 në Shqipëri dhe do të vazhdojë edhe në vende të tjera.

Regjisori Valton Jakupi është nga Bujanoci, kurse prej vitesh jeton në Zvicër. Deri më tash ka realizuar një numër të madh filmash të cilët janë shfaqur edhe në vende të ndryshme të botës.