FIFA nisi masat disiplinore ndaj Serbisë, ankohet Daçiqi

Ministri i Punëve të Jashtme i Serbisë, Ivica Daçiq, ka thënë të dielën se Serbia si shtet nuk mund të reagojë ndaj faktit që Federata Ndërkombëtare e Futbollit (FIFA) ka iniciuar procedurë ndaj kombëtares së Serbisë, sepse ato janë organizata sportive, por ai e ka vlerësuar këtë veprim si hipokrit.

FIFA ka nisur procedurat kundër Federatës së Futbollit të Serbisë, pasi një flamur që tregonte Kosovën si pjesë e Serbisë ishte varur në dhomën e zhveshjes para ndeshjes që Serbia luajti me Brazilin në Kupën e Botës.

Serbia luajti kundër Brazilit më 24 nëntor dhe humbi me rezultat 0 me 2.