Festa e Pavarësisë së Kosovës festohet të shtunën në Baden të Austrisë

Si tradicionalisht për festat kombëtare, Shoqëria Kulturore Artistike “17 Shkurti” të shtunën me 18 shkurt në Baden të Austrisë, organizon koncert për nder të festës së 17 shkurtit, ditës së Pavarësisë së Kosovës, raporton albinfo.at

Në këtë organizim i cili njihet si njëri prej eventeve që mbledh më së shumti komunitetin shqiptarë në Austri, pritet që në program të zënë vend këngët e vallet burimore shqiptare, recitale nga nxënësit e mësimit shqip në Austri, ndërkohë mysafir special për të argëtuar të pranishmit do të jetë këngëtari, Yll Demaj.

Gjatë kësaj feste do të hapet edhe një ekspozitë me dy artistët shqiptarë që jetojnë në Vjenë

Tahir Turkaj, kryetar i SHKA “17 Shkurti” ka bërë thirrje komunitetit shqiptarë që të marrin pjesë numër sa më i madh i komunitetit shqiptarë në këtë ditë feste.

“ Të gjithë në Baden, në shënim të 15 vjetorit të Pavarësisë së Kosovës. Ju mirëpret si gjithnjë SHKA “17 Shkurti”, mysafir special këngëtari i mirënjohur Ylli Demaj. Për herë të parë ekspozitë me dy artistë: Bujar Zela dhe Halim Meizini”, thotë kryetari Turkaj, shkruan albinfo.at.

Ndryshe, organizimi për nder të Pavarësisë së Kosovës në Baden do të filloi nga ora 16:00, ndërsa hyrja është falas.