Fenomeni i djegies së hashashit në Shqipëri

Shqipëria është njëra nga shpërndarëset më të mëdha të drogës në tregun evropian. Ky vend ka qenë bazë e bandave kriminale, që kanë kontrabanduar heroinë, kokainë, kanabis dhe substanca të tjera të paligjshme

Fenomeni i djegieve të kanabisit është përhapur shumë në Shqipëri. Disa dhjetëra burra djegin kanabis, derisa mbikëqyrjen e tyre është duke e bërë policia, shkruan ‘economist.com’.

Saimir Tahiri, ministri i Brendshëm i Shqipërisë është në një helikopter për të vëzhguar shkatërrimin e plantacioneve. Tashmë shumë plantacione janë përfshirë nga zjarri. Ministri ka pranuar se tymi mund të jetë problem edhe për policët, por kjo më së paku e shqetëson. Lufta e drogës në Evropë po luftohet këtu, thotë ai, dhe miliarda euro janë në rrezik, përcjell albinfo.ch.

Shqipëria është njëra nga shpërndarëset më të mëdha të drogës në tregun evropian. Ky vend ka qenë bazë e bandave kriminale, që kanë kontrabanduar heroinë, kokainë, kanabis dhe substanca të tjera të paligjshme.

Kështu është thënë nga Qendra Evropiane e Monitorimit për Drogën dhe Varësinë nga Droga, agjencia e drogës të Evropës.

Gjithnjë e më shumë, Shqipëria është bërë gjithashtu një prodhues i madh në natyrë i kanabisit, e cila është shpërndarë me ndihmën e një rrjeti të grupeve të organizuara të krimit shqiptar.

Një nga destinacionet më të mëdha është Italia, ku është kontrabanduar më anë të skafeve, kamionëve dhe aeroplanëve privatë.

Një gazetë italiane i kishte vënë titullin “Lumenjtë e Drogës”, duke përfshirë rrugën nga Shqipëria në brigjet e Italisë.

Policia italiane ka ndihmuar edhe Shqipërinë për të shkatërruar këtë fenomen të keq. Ministri Tahiri ka thënë se të gjitha plantacionet e raportuara deri më tani janë shkatërruar. Në fund të gushtit të këtij viti, ai pretendon se njerëzit e tij shkatërruan një milion kanabis, gjysmë milioni më shumë se në vitin 2014.

Plantacionet janë përhapur përtej Lazaratit. Por, zyrtarët italianë refuzojnë të flasin nëse shqiptarët janë seriozë në trajtimin e tyre. Vitin e kaluar, Dritan Zagani, një zyrtar i lart policor kishte kërkuar azil politik në Zvicër, pasi dyshohet se ai iu kishte treguar italianëve për një rrugë të re të drogës. Policia shqiptare ka thënë se ai ka raportuar për mafian.