Federer, sportisti më i paguar i të gjitha kohërave

36-vjeçari Federer është tenist profesionist që nga viti 1998. Ai ka fituar 95 turne, mes të cilëve 19 turne “Grand Slam”

Roger Federer ka kaluar legjendën e golfit Tiger Woods dhe është bërë sportisti që ka fituar më shumë para në historinë e të gjitha sporteve të planetit.

Tenisti nga Zvicra është bërë në këtë mënyrë një ikonë absolute në momentin që fitoi ndeshjen e dytë në grup, gjatë “ATP Finals” në Londër, kundër gjermanit Alexander Zverev, duke e çuar totalin e parave të fituara në 110,235,682 dollarë.

36-vjeçari Federer është tenist profesionist që nga viti 1998. Ai ka fituar 95 turne, mes të cilëve 19 turne “Grand Slam”. Edhe pse shpesh herë është folur se ndodhet në hapat e fundit të karrierës, zvicerani vazhdon të triumfojë. Në vitin 2017, ai ka fituar në “Australia Open” dhe në “Wimbeldon”, përcjell albinfo.ch.

Në këto kushte, Federer ka kaluar atë që deri tani ka qenë “mbreti i pasanikëve”, Woods, që sipas “Forbes” ka fituar 110,061,012 dollarë gjatë karrierës së tij.