Federer kursen energjitë për ‘Wimbledon’

Ai ka triumfuar tetë herë në Wimbledon

/AFP/Getty Images

Tenisti zviceran, Roger Federer, disa ditë më parë njoftoi se nuk do të marrë pjesë në Grand Slemin e dytë të vitit Roland Garros që do të zhvillohet në Francë, duke hequr dorë nga turnetë me dhe të kuq.

Ai gjithashtu nuk mori pjesë as në turnetë në Monako dhe Barcelonë.

Federer ka theksuar se ka hequr dorë për shkak se dëshiron të kursejë energjitë për Wimbledon, përcjell albinfo.ch.

Tenisti nga Bazeli ka konfirmuar se do të luajnë në turneun e Shtutgartit më 11 qershor, po ashtu në “Gerry Weber Open” që do ta mbahet gjithashtu në Gjermani nga data 2 korrik dhe më pas do të jetë pjesë e turneut që dashuron më shumë, në “Grand Slamin” historik të Wimbledon.

36-vjeçari pas fitores në Roterdam në muajin shkurt u shndërrua në tenistin me moshën më të madhe që merrte vendin e parë në renditjen ATP, por në mars këtë pozicion ia ktheu sërish Rafa Nadalit.

Ai ka triumfuar tetë herë në Wimbledon.