FDP kërkon task-forcë për azilkërkuesit

FDP dëshiron që qeveria federale të krijojë një grup pune për azilkërkuesit.

Kantonet aktualisht po mbajnë një barrë të madhe për shkak të numrit të madh të kërkesave për azil, sipas liberalëve. Me një grup pune, abuzimet si ato në qendrën e azilit në Chiasso do të shmangeshin dhe koordinimi midis qeverisë federale, kantoneve dhe komunave do të përmirësohej.

“Ndoshta nevojiten edhe rregullime në ligjin e azilit”, tha Presidenti i partisë, Thierry Burkart, shkruan 20minuten.

FDP po vëzhgon me shqetësim zhvillimet në politikën e migracionit, Departamenti i Drejtësisë nuk po i merr seriozisht përgjegjësitë e veta, ndërkohë që kantonet dhe komunat po përballen me sfida të mëdha. Në të njëjtën kohë, po sulmohet lëvizja e lirë e njerëzve, e cila është me rëndësi qendrore për ekonominë zvicerane.

Është e rëndësishme që azilkërkuesit të dorëzojnë kërkesën e tyre në vendin e parë të mbërritjes dhe jo në bazë të preferencave personale.

FDP kërkon ta frenojë këtë fenomen me një mocion. Përveç kësaj, marrëveshja e Dublinit me Italinë duhet të zbatohet sërish menjëherë, përcjell albinfo.ch.