FC Kosova e Cyrihut, në Gjakovë për miqësore me Vllaznimin e Agim Canës

Klubi më i suksesshëm shqiptar në Zvicër, FC Kosova, nga data 15 deri me 18 shkurt të këtij viti do të qëndrojnë në Republikën e Kosovës, njofton albinfo.ch.

Ekipi i trajnerit Enver Osmani, ditën e parë do të zhvillojë stërvitje në Prishtinë, ndërsa ditën e dytë është e paraparë të zhvillojë edhe një ndeshje miqësore me ekipin e Vllaznimit. Ndeshja do të luhet më 16 shkurt, në orën 13:00 në qytetin e Gjakovës.

E ndërkaq më 17 Shkurt, në Ditën e Pavarësisë së Kosovës, ekipi i FC Kosovës do të shëtitë në kryeqytet dhe do të kenë mundësi të përcjellin organizimet me rastin e kësaj feste të rëndësishme shtetërore.