FBI dhe agjencitë evropiane shkatërrojnë rrjetin më të sofistikuar të hakerëve rusë

FBI dhe agjencitë evropiane të zbatimit të ligjit bëjnë me dije se kanë shkatërruar një rrjet masiv kompjuterësh të hakuar që ishin përdorur për të mashtruar mijëra njerëz, të cilëve iu ishin vjedhur miliona dollarë.

Departamenti i Drejtësisë sekuestroi mbi 8 milionë dollarë në kriptovaluta nga hakerët dhe hoqi kodin nga një numër i paspecifikuar kompjuterësh të “manipuluar” në SHBA dhe në mbarë botën.

“Kjo është një goditje e rëndë ndaj aplikacionit të hakerimit Qakbot, të bandës së hakerëve rusishtfolës, e cila ka shkaktuar dëme për vite me radhë për njerëzit, por edhe për agjencitë qeveritare në mbarë botën”, rrëfen një zëdhënës i Departamentit.

Operacioni mund të konsiderohet si arritja më e fundit e përpjekjeve agresive të FBI-së për të goditur mjetet e njohura të hakerimit që lejojnë kriminelët kibernetikë t’iu heqin amerikanëve miliona dollarë nga xhepat e tyre.

“Kjo është një përpjekje e përbashkët për të synuar shërbimet që kriminelët e tjerë kibernetikë po përdorin në të gjithë globin,” tha një zyrtar i lartë i FBI-së në një intervistë.

Mjeti që FBI synoi në këtë rast, i njohur si një botnet, është një ushtri kompjuterësh të infektuar që hakerët përdorin shpesh për një sërë mashtrimesh. Është një mënyrë e lirë për të grumbulluar fuqi dixhitale që mund të trokasë shërbimet kritike si shkollat ​​ose ofruesit e kujdesit shëndetësor jashtë linje.

Qakbot ka qenë rreth 15 vjet aktiv, por përdorimi i mjetit nga bandat e hakerave që kërkojnë shpërblim shtoi urgjencën në përpjekjet e zbatimit të ligjit për të depërtuar në infrastrukturën e grupit./cnn