Fantastik Manaj, debuton për Barcelonën me 3 gola

Sulmuesi shqiptar ka shënuar tre gola për Barcelonën A

Sulmuesi i Kombëtares shqiptare, Rei Manaj bëri një debutim historik, duke zbritur në fushë me ekipin e parë të Barcelonës.

Manaj arriti të bëhet dhe protagonist duke realizuar tre gola me fanellën e Barçës. 24-vjeçari realizoi në minutën e 60-të të ndeshjes miqësore kundër Gjimnastik, duke shënuar një supergol dhe në minutën e 86-të realizoi spektakël duke finalizuar një harkim nga krahu me goditje me gjoks, përcjell albinfo.ch.

Në minutën e fundit të takimit, Manaj realizoi dhe golin e tretë nga pika e 11-metërshit, duke e mbyllur në mënyrën më të mirë këtë debutim historik me fanellën e Barcelonës.

 

 

---