Prodhimi në Eurozonë “ka kaluar më të keqen”

sol @solimonster unsplash

Rënia në aktivitetin prodhues të Eurozonës u përmirësua sërish muajin e kaluar, duke treguar se më e keqja mund të ketë kaluar.

Sipas një sondazhi, Indeksi i Menaxhimit të Blerjeve (PMI) të S&P Global u ngjit në nivelin më të lartë në pesë muaj.

“Megjithëse prodhuesit e Eurozonës vazhduan të raportojnë rënie të prodhimit dhe përkeqësim të porosive në janar, situata është dukshëm më e ndritshme sesa nivelet më të ulëta të tetorit të kaluar. Jo vetëm që shkalla e rënies së prodhimit ka qenë në nivele të kontrolluara për tre muaj rresht, por optimizmi i biznesit për vitin e ardhshëm është rritur gjithashtu gjatë tre muajve të fundit”, tha Chris Williamson, kryeekonomist në S&P Global.

Eurozona u rrit në tre muajt e fundit 2022, duke arritur të shmangë një recesion, pasi Prodhimi i Brendshëm Bruto u rrit me 0.1 për qind në tremujorin e katërt. Kjo performancë shumë e mirë u arrit pavarësisht peshës së madhe në ekonomi të kostove të larta të energjisë dhe rritjes së normave të interesit.

Indeksi që pasqyron çmimet e prodhimit u rrit pak, por gjithsesi mbetet në mënyrë konstante nën nivelet e dy vjetëve të fundit.

Kjo ka të ngjarë të mirëpritet nga politikëbërësit e Bankës Qendrore Evropiane, të cilët kanë hasur vështirësi në arritjen e nivelit të synuar të inflacionit prej 2 për qind, ndërkohë që nga të dhënat zyrtare pritet se inflacioni i muajit të kaluar të ketë qenë 9 për qind.