Fabrika e akullores në në lartësi prej 330 metrash

Fabrika prodhon deri në 1 mijë copë akullore në orë dhe tashmë ka prodhuar më shumë se 1 milion që nga hapja në gusht 2018, tha drejtori i pikës së vrojtimit.

 

Një fabrikë e akullores në Moskë, ka marrë statusin si prodhuesi i akullores në zonën më të lartë në Rusi. Fabrika “Chistaya Liniya” është nderuar nga libri i rekordeve ruse me certifikatë me ç’rast konfirmohet se fabrika ndodhet në pikën më të lartë në Rusi derisa akullorja prodhohet në katin e 89 të njërit prej rrokaqiejve në qytet.

Vizitorët kënaqeshin me pamjen e jashtëzakonshme dhe llojllojshmërinë e akullores së krijuar në pikën e vrojtimit Panorama 360, në kullën moskovite të Federatës. Fabrika prodhon deri në 1 mijë copë akullore në orë dhe tashmë ka prodhuar më shumë se 1 milion që nga hapja në gusht 2018, tha drejtori i pikës së vrojtimit.

Artur Shakaryan. Shakaryan, po ashtu, konfirmoi se kjo fabrikë është e vetmja për prodhimin e akulloreve që ndodhet në lartësi kaq të madhe në botë e në fillim megjithatë u ballafaqua me disa pengesa. “Fillimisht, ishte shumë e vështirë që të ngjisnim pajisjet kaq larg, së dyti u desh të gjenim vend për to. Dhe, e treta kishte shumë pajisje që duhej të instaloheshin. Natyrisht, është më e lehtë që gjithçka të bëhej në tokë, e jo në 330 metra lartësi”, tha ai. Duke gjykuar nga reagimet e vizitorëve, përpjekjet ia vlejtën derisa ata që vijnë të shijojnë akulloren këtu, thonë se u duket sikur po pluskojnë në re.

 

---