Lajme

Evropa përshpejton ritmet e vaksinimit, Britania kryeson

E mërkurë, 26 Maj 2021 - 17:55 albinfo.ch
@pixabay

Me ardhjen e sezonit turistik shumë shtete evropiane kanë përshpejtuar ritmet e vaksinimit.

Në të dhënat e “Our World In Data” të Universitetit të Oksfordit, vihet re se destinacionet më të pëlqyera në Europë, si Spanja dhe Italia, në javët e fundit kanë shtuar injektimet në popullatë.

Të dhënat deri më 23 maj tregojnë se në Europë janë vaksinuar rreth 14% e popullatës.

Thuajse rreth 17% e popullatës në Itali dhe Spanjë ka marrë të dyja dozat e vaksinës.

Grafiku na tregon se Shqipëria renditet ndër vendet e fundit në Europë sa i përket popullsisë së vaksinuar, me rreth 9% të popullatës.

Por në krahasim me shtetet e rajonit, përveç Serbisë, Greqisë dhe Kroacisë, Shqipëria renditet me ritme më të mira të vaksinimit.

Javën e fundit, për shkak të vonesave në marrjen e dozave të dyta, ka pasur më pak të vaksinuar nga se ishin parashikuar.

Në total në Shqipëri janë kryer rreth 725 mijë doza të vaksinës ndaj COVID-19. Prej tyre, rreth 250 mijë qytetarë i kanë marrë të dyja dozat.

Në gjithë Evropën, Mbretëria e Bashkuar ka numrin më lartë të qytetarëve të vaksinuar, me rreth 34% të popullatës./Euronews

 Të ngjashme

Pas korrigjimit: SBB, nga vendi i dytë bie në vendin e njëmbëdhjetë në Evropë

 Të tjera nga Lajme

Banorët e Cyrihut kundërshtojnë rritjen e qirave

 E-Diaspora

 Jeta në Austri