Eurovision 2025: Janë shpallur 26 finalistët, gara kulmon të shtunën në Basel

Janë zbuluar 10 finalistët e gjysmëfinales së dytë të Eurovision Song Contest 2025, pas natës së sotme spektakolare të mbajtur më 15 maj në Basel, Zvicër. Nga 16 shtete pjesëmarrëse, këto janë vendet që siguruan kalimin për në finalen e madhe, shkruan albinfo.ch.

Lituania

Izraeli

Armenia

Danimarka

Austria

Luksemburgu

Finlanda

Latvia

Malta

Greqia

Këtyre 10 vendeve do t’u bashkohen finalistët e përzgjedhur më 13 maj në gjysmëfinalen e parë, ku nga 15 shtete pjesëmarrëse kaluan në finale:

Islanda

Shqipëria

Polonia

Estonia

Ukraina

Suedia

Portugalia

Norvegjia

San Marino

Holanda

Kështu, lista e plotë e 20 finalistëve të përzgjedhur përmes dy gjysmëfinaleve është kompletuar.

Finalja e madhe: 26 shtete në garë për trofeun e Eurovizionit

Finalja e madhe do të zhvillohet të shtunën, më 17 maj, në qytetin e Baselit, në një nga netët më të pritura të muzikës evropiane. Në skenën përfundimtare do të ngjiten gjithsej 26 shtete: 20 të kualifikuar nga gjysmëfinalet dhe 6 vende të cilat kanë siguruar automatikisht vendin në finale.

Bëhet fjalë për të ashtuquajturat “Big Five” Spanja, Franca, Gjermania, Italia dhe Mbretëria e Bashkuar si dhe Zvicra, si vend organizator i edicionit të sivjetshëm.

Finalja e këtij viti pritet të jetë një spektakël i vërtetë, me performanca madhështore, prodhim të nivelit të lartë dhe një garë të fortë mes këngëtarëve që përfaqësojnë diversitetin muzikor. Fansat dhe shikuesit nga mbarë bota do të kenë mundësinë të votojnë për këngën dhe performancën e tyre të preferuar, ndërsa Evropa do të kurorëzojë fituesin e ri të Eurovizionit.

 

---