Euro fillon të stabilizohet

Ndërsa dollari amerikan ka vijuar të zhvlerësohet më tej në tregun vendas. Një dollar është këmbyer sipas Bankës së Shqipërisë në nivelin e 106.7 lekëve, rreth 0.63 pikë më pak se një ditë më parë

Kursi i këmbimit duket se është stabilizuar gjatë ditës, pas luhatjeve të forta në tregun vendas. Sipas kursit zyrtar të Bankës së Shqipërisë një euro është këmbyer në kuotën e 126.11 lekëve, me një rënie të lehtë prej 0.04 pikësh.

Sipas ekspertëve të tregut euro po ekuilibrohet në tregun vendas, duke u këmbyer në nivelin real. Akterët i argumentojnë luhatjet e forta me efektin psikologjik që dha deklaratat e Guvernatorit të Bankës së Shqipërisë se do të ndërhynin në treg për të frenuar rënien e më tejshme të monedhës euro, shkruan ‘monitor’.

Ndërsa dollari amerikan ka vijuar të zhvlerësohet më tej në tregun vendas. Një dollar është këmbyer sipas Bankës së Shqipërisë në nivelin e 106.7 lekëve, rreth 0.63 pikë më pak se një ditë më parë, përcjell albinfo.ch.

Ekspertët presin që me ardhjen e turistëve nga trevat me përfundimin e muajit të Ramazanit, oferta në valutë do të rritet.

Ndërkohë edhe agjencitë e këmbimit valutor duken më të relaksuara duke qenë se kanë ngushtuar diferencën midis çmimit të blerjes dhe të shitjes së valutave, nga 1-2 lekë që ishte një ditë më parë, në pak se një lek sot.

Ekspertët shprehen se është ende herët për të folur për tendencën e këmbimit euro/lekë, duke qenë se mbetet për tu parë reagimi i tregut në javët në vijim.