Euro bie edhe ndaj lekut

Jo vetëm ndaj monedhave tjera evropiane, por euro ka rënë edhe ndaj lekut shqiptar, shkruajnë mediat shqiptare.

Një euro në pikat e këmbimit valutor është këmbyer këtë fundjave në nivelin 133.6 lekë.

Dobësia e monedhës së përbashkët evropiane, favorizon shlyerjen e kësteve të kredisë në euro, ndërsa ul fitimet e kompanive eksportuese në zonën euro. Monedha vendase në tregun tonë vijon të jetë e fortë ndaj euros prej rreth dy vitesh.

Ndërkohë, përveç euros ka rënë edhe funte. Një funte është 151 lekë, derisa janë ngritur dollari dhe franga, përcjell albinfo.ch.

Një dollar është 113.1 lekë, derisa një frang është 116.3 lekë ose me një rritje prej 0.90.