“Ëndrrat e Hamletit”, çmimin kryesor në Festivalin Ndërkombëtar SITFY

"Ëndrrat e Hamletit’’ vlerësohet si ‘’Monodrama më e mirë e festivalit’’ në Egjipt

Është bërë e ditur se drama ‘’Ëndrrat e Hamletit’’ ka fituar çmimin kryesor ‘’Monodrama më e mirë e festivalit’’ në Festivalin Ndërkombëtar SITFY në Egjipt, në konkurencë të monodramës, “Monodroma më e mirë e festivalit”, transmeton albinfo.ch.

Duhet theksuar se në këtë festival, të mbajtur në Sharm El Sheikh të Egjiptit, drama është e bazuar në veprën e Shekspirit “Hamleti, Princi i Danimarkës”, me tekst të shkruar nga Nina Mazur dhe regji e interpretim të Mentor Zymberajt, arriti një sukses tejet të madh, duke rrëmbyer çmimin kryesor.

’’Ëndrrat e Hamletit” është realizim i Shtëpisë Teatrore Filmike AKT & ITI-Qendra në Kosovë, në bashkëpunim të teatrit Dodona dhe Komunës së Prishtinës. Premiera e kësaj shfaqje është dhënë më 31 mars të vitit 2018 në Teatrin ‘’Dodona’’.

---