Emisari i Gjermanisë takon Kurtin

Kryeministri i Kosovës, Albin Kurti, do të takohet sot me me Emisarin e Gjermanisë për Ballkanin Perëndimor, Manuel Sarrazin, përcjell albinfo.ch.

Sipas njoftimit të Zyrës së Kryeministrit të Kosovës, takimi do të mbahet në orën 10:00.

“Kryeministri i Republikës së Kosovës, Albin Kurti, pret në takim Emisarin e Gjermanisë për Ballkanin Perëndimor, Manuel Sarrazin. Mediat mund të marrin pamje në oborrin e ndërtesës së Qeverisë”, thuhet në njoftim.

Ky takim vjen një ditë pas zhvillimeve në veri të Kosovës. Gjatë ditës së premte derisa kryetarët  e rinj të katër komunave atje po tentonin të hynin në zyrat e tyre, u priten me protesta nga qytetarët serbë në përpjekje për ta penguar hyrjen e tyre në ndërtesat e komunave. Policia përdori gaz lotsjellës dhe shok-bomba për të shpërndarë protestuesit. Ndërsa veprimet e insitucioneve të Kosovës u dënuan nga aleatët ndërkombëtarë.