Eliza Dushku prezanton dokumentarin në Tiranë

Aktorja e famshme shqiptare e Hollywoodit, Eliza Dushku, sjell gjatë javës që vjen dokumentarin e saj për Shqipërinë

Dokumentari i shumëpërfolur i aktores Eliza Dushku do të prezantohet në Tiranë në kuadër të “Tirana Art Day’s”, në datat 4, 5 dhe 6 tetor.

Organizatorët premtojnë 3 ditë të mbushura me aktivitete kulturore dhe artistike, gjatë të cilave priten të vijnë edhe mjaft nga personalitetet e njohura shqiptare në botë, bëjnë të ditur mediat shqiptare.

Në një prej këtyre ditëve do të shfaqet edhe premiera e filmit, ku Eliza Dushku dhe Blerim Destani udhëtojnë dhe prezantojnë Shqipërinë dhe traditat tona në një rrugëtim të gjatë, që do të shfaqet në 1 orë e gjysmë dokumentar. Vetë Eliza do të vijë enkas për këtë rast në Tiranë me të dashurin e saj, ish-basketbollistin Rick Fox.

Aktorja e famshme hollivudiane me origjinë shqiptare kishte vizituar vitin e kaluar trojet shqiptare, ku edhe ka realizuar xhirimet e dokumentarit në Shqiperi.

http://www.youtube.com/watch?feature=player_embedded&v=8iWgOykuwtI