Ekspertiza zvicerane për kompanitë vendore në Maqedoni

90 për qind e ndërmarrjeve vendëse përsëri do të aplikojnë në projektin “Ekspertë të huaj për kompanitë vendore”, mbështetur nga ambasada zvicerane, njoftojnë mediat në Shkup, përcjell albinfo.ch.

“Thelbi i këtij projekti është të transferojë përvojat e ekspertëve të huaj në kompanitë maqedonase për të aplikuar teknologjitë e tyre të reja në kompanitë tona, niveli i bashkëpunimit me kompanitë e huaja që kanë më shumë përvojë në zbatimin e zhvillimeve të reja teknologjike dhe menaxhimit. Ky projekt duhet të ndihmojë kompanitë vendëse për të rritur kapacitetin dhe njohuritë e tyre në mënyrë që të jenë më konkurruese në tregun botëror”, kanë thënë zyrtarë për çështje ekonomike.

Arritjet e këtij projekti tregojnë se 78 për qind e kompanive janë të kënaqura me përdorimin e ekspertizës së huaj. Afati i fundit për këtë thirrje të tretë është 29 korriku.

Veprimtaria u ndoq nga ambasadorja e Zvicrës në Maqedoni, Sybille Suter Tejada. Ajo tha se Zvicra ka mbështetur 14  projekte ekonomike në vend, si dhe përfaqësues të dhomave të tregtisë.