Eksperti zviceran: Zvicra ka paisje ushtarake të vjetra

Ushtria zvicerane "shumë arkaike" për të mbrojtur vendin, thotë eksperti

Për Albert A. Stahel, profesor i strategjisë ushtarake në Universitetin e Cyrihut, “ushtria jonë është arkaike. Në rast të një sulmi si ai në Ukrainë, Zvicra do të zgjaste vetëm disa ditë, sepse do të duhej të luftonte me armë të vjetra”, përcjell albinfo.ch.

Ky vëzhgim bazohet në inventarin aktual të ushtrisë: ai ende përbëhet nga armë kundërajrore të blera në vitin 1963, gjatë Luftës së Vietnamit, si dhe tanke dhe obusa të blinduara të viteve ’60 dhe ’70.

Sa i përket avionit luftarak 40-vjeçar të Forcave Ajrore, edhe Ministria e Mbrojtjes ka pranuar se flota e vjetëruar nuk do të kishte “asnjë shans” kundër një kundërshtari modern.

Kohët e fundit ka pasur thirrje të përsëritura nga deputetët për pajisje më të mira ushtarake për trupat tokësore, dhe Zvicra tashmë ka miratuar blerjen e 36 avionëve të rinj luftarakë F-35A – vendim që është ende në debat pasi disa politikanë e kundërshtojnë atë.

 

 

 

---