Ekspertët italianë: Zvicra, fajtore për valën e tretë të koronavirusit

Vërtet, a është Zvicra fajtore për valën e tretë të koronavirusit në Evropë?

Vendimi i Zvicrës për të mbajtur hapur shtigjet e saj të skive është prapa valës së mutacioneve të koronavirusit që përfshin kontinentin, e bënë që Zvicra të jetë një nga fajtoret për këtë valë, thanë ekspertët e shëndetit të Italisë, transmeton albinfo.ch.

Italia ka hedhur fajin për valën e mutacioneve të koronavirusit që përfshiu kontinentin në këmbët e Zvicrës.

Walter Ricciardi, kreu i task forcës së qeverisë italiane për koronavirusin, tha se vendimi i Zvicrës për të mbajtur hapësirat e skive gjatë gjithë dimrit lejoi që lloji britanik i koronavirusit të mbërrinte në Evropë.

“Vendi që solli variantin britanik në Evropë është Zvicra”, tha Ricciardi të dielën në TV Italian, pas njoftimit të qeverisë që shpatet italiane të skive do të qëndronin të mbyllura deri të paktën më 5 mars.

“Britanikët shkuan për skijim në Zvicër – një vend që me kokëfortësi i mbajti objektet e skive të hapura”.

Ricciardi, i cili është mbiquajtur “Profesor Lockdown” nga media italiane, tha se ekspertët italianë kanë gjurmuar llojet e virusit, gjë që bëri të qartë se lloji i mutuar mbërriti në Evropë përmes Zvicrës.

Ndërsa Zvicra mbajti shumicën e pistave të skive të hapura gjatë gjithë dimrit, secili prej fqinjëve të Zvicrës mbylli vendpushimet e tyre të skive për të paktën një pjesë të sezonit.

Në Gjermani, Francë dhe Itali shpatet mbeten të mbyllura, ndërsa në Austri shpatet ishin të mbyllura për pjesën më të madhe. /Albinfo.ch

 

---