Ekipi i Sigurisë Diplomatike ndihmon në riatdhesimin e shqiptarëve

Për shkak të situatës së krijuar nga përhapja e koronavirusit, shumë shqiptarë kanë mbetur të izoluar në vendet ku po qëndronin. Qeveria shqiptare po bën të mundur kthimin e tyre në vend. Për të realizuar sa më mirë këtë proces u angazhuan edhe forcat e Ekipit të Shërbimit të Sigurisë Diplomatike (DSS) së Ambasadës Amerikane në Tiranë.

Nëpërmjet një postimi në Facebook Ambasada amerikane në Tiranë ka njoftuar angazhimin e Ekipit të Shërbimit të Sigurisë Diplomatike në misionin e riatdhesimit të shqiptarëve.

Ekipi ndihmoi në udhëtimet e riatdhesimit duke bashkëpunuar me zyrtarët e sigurisë në aeroport, përfaqësuesit e kompanive ajrore dhe Policinë Shqiptare të Kufirit dhe Emigracionit.

Avioni i parë me shqiptarë pas mbylljes së kufijve u nis nga aeroporti i New Yorkut  më 29 prill nëpërmjet kompanisë Alitalia (fluturim komercial) dhe mbërriti në Romë më datë 30 prill. Fluturimi tjetër drejt Tiranës përmes Air Albania (fluturim riatdhesimi) mbërriti në Tiranë dje në darkë. Të gjithë shqiptarët e riatdhesuar nëpërmjet këtij fluturimi u vendosën menjëherë në hotele, ku do kryhet karantina për një periudhë 14-ditore.

https://web.facebook.com/usembassytirana/posts/10157323955605838