Fenerbahçe, e gatshme ta blejë mesfushorin e Shqipërisë

Foto ilustrim (Fenerbahce/Instagram)

Fenerbahçe po interesohet për mesfushorin e Shqipërisë U-21, Omar Imeri. Turqit janë të fiksuar me shqiptarët e Maqedonisë, pasi para dy vjetësh blenë dhe Elif Elmasin nga Rabotniçki, shkruan telesport.al.

Televizioni Shtetëror i Turqisë ka bërë me dije se drejtuesit e klubit turk janë takuar me mesfushorin shqiptar pas ndeshjes ndërmjet Turqisë U-21 dhe Shqipërisë U-21. 

Fenerbahçe ka nisur sulmin për të riun. Imeri është në kontratë me Shkëndijen e Tetovës dhe prej një sezoni luan rregullisht. Ai ka shënuar 8 gola, ndërsa dhe eksperienca me Shqipërinë e ka ndihmuar shumë.