Edhe Kosova përfshihet nga vala e të nxehtit afrikan

Kosova do të përballet me temperatura të larta këtë javë

Vala e të nxehtit afrikan duket se e ka përfshirë edhe Kosovën. Raportohet mot kryesisht me diell dhe i thatë këtë javë. Temperaturat në rritje, deri në 35 C ditën e enjte dhe të premte, parashikon “Prishtina Weather”.

Vala e nxehtë në disa rajone të Kosovës do të arrijë deri në 37 gradë.

E në fundjavë me mundësi të rritjes së mëtutjeshme edhe mbi 35C.

Ditën e premte pasdite nuk përjashtohen mundësi për zhvillime të rrebesheve të shkurta të shiut.

Indeksi i rrezeve ultraviolete do të jetë në nivele shumë të larta të rrezikut, kështuqë orëve të mesditës rekomandohet t’i ikim ekspozimit më të gjatë ndaj rrezeve të diellit.

 

---