Komisioni Zviceran i Vaksinimit: Vaksina e dytë është e domosdoshme

"Nëse heqim dorë nga vaksinimi i dytë, ne nuk do të dimë as përgjigjen nëse mbrojtja e përkohshme do të vazhdojë pas vaksinimit të parë apo jo"

Numri në dispozicion i vaksinave kundër Covid-19 është ende i pakët. Prandaj për të siguruar që sa më shumë njerëz të marrin sa më shpejt vaksinimin e parë, Britania e Madhe ka zgjedhur një rrugë jokonvencionale: ka vendosur që data e vaksinimit të dytë të shtyhet, deri në tre muaj, shkrun srf.ch.

Ky opsion po diskutohet gjithashtu në mënyrë kontroverse edhe në Zvicër, transmeton albinfo.ch.

Christoph Berger, Presidenti i Komisionit Zviceran të Vaksinimit, është kundër zgjehdjes së “rrugës britanike”.

Studimet klinike, të gjithë pjesëmarrësit në to, janë vaksinuar për herë të dytë katër javë pas vaksinimit të parë: “Nëse heqim dorë nga vaksinimi i dytë, ne nuk do të dimë as përgjigjen nëse mbrojtja e përkohshme do të vazhdojë pas vaksinimit të parë apo jo”.

Kështu që mund të ndodhë që mbrojtja e vaksinimit të parë të shuhet shpejt pas pesë, gjashtë ose dhjetë javësh, përcjell albinfo.ch. Kjo kërcënon të dëmtojë besimin në vaksinimin.

---