Edhe Finlanda bën peticion për të dalë nga BE-ja

Një nga liderët e partive të djathta finlandeze, Sebastian Tjunkjunen, kërkon një referendum për shkëputjen e Finlandës nga Bashkimi Evropian deri në dhjetor 2017. Tashmë janë mbledhur 10.000 nënshkrime, një e pesta që kërkohen për nisma që të merren parasysh nga parlamenti, njoftojnë mediat finlandeze, përcjell albinfo.ch.

Sipas kreut të organizatës rinore finlandeze, Bashkimi Evropian vetëm shkakton kaos në Evropë dhe Finlanda ka nevojë për një nismë të tillë.

Sipas transmetuesit finlandez, peticionin tashmë e kanë nënshkruar më shumë se dhjetë mijë njerëz, dhe popullariteti i kësaj iniciative qytetare është në rritje.

Partia e djathtë finlandeze, e cila është pjesë e koalicionit të djathtë, konsiderohet si partia e euroskeptikëve. Menjëherë pas rezultateve të referendumit britanik dhe fillimit të peticionit, kishin nënshkruar më shumë se 3.500 finlandezë.

Sipas televizionit YLE TV, një nismë e ngjashme filloi në vitin 2013, por atëherë e kishin nënshkruar vetëm 30.000 njerëz. Parlamenti finlandez nuk e konsideron iniciativën, në qoftë se brenda gjashtë muajve nuk arrijnë për të fituar mbështetjen e më shumë se 50.000 nënshkruesve.