EasyJet shpall pesë linja të reja nga Zvicra

Foto/ Wikipedia

Linja ajrore me kosto të ulët do të nisë pesë destinacione të reja nga Zvicra për fund të vitit, përcjell albinfo.ch.

Nga 4 nëntori do të ketë katër fluturime javore ndërmjet Cyrihut dhe Mançesterit.

Më 7 nëntor do të inaugurohen dy fluturime javore ndërmjet Cyrihut dhe Bordosë, si dhe midis Bazelit dhe Londrës Luton, katër herë në javë.

Nga Gjeneva, fluturimet dy herë në javë për në Tromsø në Norvegji do të fillojnë më 5 dhjetor, dhe nga 18 janari, EasyJet do të fluturojë nga Gjeneva për në Leeds / Bradford, dy herë në javë.

Biletat për fluturimet e reja janë në dispozicion nga kjo javë.