E-Sportet në Lojëra Olimpike

Garat sportive në internet shumë shpejt mund të jenë pjesë e Lojërave Olimpike, ka njoftuar Komiteti Olimpik Ndërkombëtar.

Rritja enorme e garave e-sportive në botë dhe popullariteti mes të rinjve ka rritur interesimin e KON-it që duket se dëshiron të rifreskojë moshën e shikuesve dhe të bëjë Olimpiadat të rëndësishme për gjeneratat e reja.

“Samiti është pajtuar që ‘eSportet’ që po tregojnë rritje të fuqishme, sidomos mes të rinjve në shumë vende të botës dhe mund të lidhet me një lëvizje të re olimpike”, ka njoftuar KON-i, transmeton Albinfo.ch.

Megjithatë, cilado përfshirje e këtyre lojërave në Olimpiadë kërkon njohje zyrtare si sport olimpik dhe për këtë duhet garanti se organizata do t’i përmbahet “rregullave të Lojërave Olimpike”.

E-Sportet përfshijnë video-lojëra të shumta në të cilën miliona shikues po marrin pjesë në turne, ku po ndahen miliona euro.