Dyfishohet numri i rrokaqiejve me një lartësi prej 300 metra

Numri i rrokaqiejve në nivel global është rritur vitin e kaluar. Aktualisht janë 100 ndërtesa ultra të larta, apo me një lartësi prej mbi 300 metrash.

Një e tillë u shfaq së fundi në Nju Jork.

Bëhet fjalë për një “bum“ në ndërtimin e rrokaqiejve në botë, dhe kjo prirje është paracaktuar kryesisht në Azia dhe Lindje të Mesme.

Derisa për të vënë në funksion 50 rrokaqiejt e parë mori kohë më shumë se 80 vjet – në mes të 1930 dhe 2010, 50 të tilla vijnë dhe bëhen realitet vetëm në pesë vitet e ardhshme, sipas „Council on Tall Buildings and Urban Habitat“ (CTBUH) ,përcjell albinfo.ch

Sipas ekspertëve, do të formojnë një nëngrup të ri të rrokaqieve, shumë të larta. Ata do të kenë një lartësi prej mbi 600 metrash. Aktualisht janë vetëm tri ndërtesa të ngjashme. Numri i tyre pritet të dyfishohet gjatë disa viteve të ardhshme, me futjen e kullave „KL118 Tower“ në Kuala Lumpur, „Jeddah Tower“ në Arabinë Saudite.

Në fund të nëntorit, arkitektët e “AMBS” zbuluan planet për të ndërtuar një rrokaqiell, i cili do të jetë 1152 metra i lartë.

Emrin do të ketë “Nusja” dhe do të jetë ndërtesa më re e lartë në botë. Kulla është planifikuar të jetë vendosur në “Ura Bay” në Basra në Irak, një nga zonat rritje më të shpejtë të biznesit në vend.