Dy tifozë shqiptarë dënohen me gjobë: Kanë ndezur petarda gjatë ndeshjes

Me gjithë mobilizimin dhe kontrollimin e hollësishëm, disa tifozë të kombëtares shqiptare kanë arritur të fusin në stadium petarda dhe objekte të tjera shpërthyese, të cilat edhe i kanë ndezur

Ndeshja e mbrëmshme në mes të Lihtenshtajnit dhe Shqipërisë ka rrjedhur pa telashe të mëdha të sigurisë, shkruan gazeta Liechtensteiner Vaterland. Në të vërtetë policia kishte ngritur shumë lart shkallën e mobilizimit, duke pasur parasysh numrin e madh të shikuesve që vinin nga jashtë në kryeqytetin e vogël të Lihtenshtajnit, në Vaduz, ku është zhvilluar ndeshja.

Me gjithë mobilizimin dhe kontrollimin e hollësishëm, disa tifozë të kombëtares shqiptare kanë arritur të fusin në stadium petarda dhe objekte të tjera shpërthyese, të cilat edhe i kanë ndezur, përcjell albinfo.ch.  Siç ka thënë një zëdhënëse e policisë, kontrollimi ka qenë shumë rigoroz por, për të kontrolluar një numër kaq të madh shikuesish (rreth 6000 sish) “është dashur të kishte pasur më shumë personel dhe sidomos më tepër kohë”.

Dy tifozët shqiptarë të cilët për përdorimin e petardëve janë mare në pyetje nga policia për janë me banim në Zvicër. Ata duhet të llogarisin në dënim me gjobë me para për shkelje të ligjit mbi materiet shpërthyese.

Disa gazeta tjera citojnë portierin e Lihtensteinit Peter Jehle i cili është ankuar për sjelljen e atyre tifozëve shqiptarë që kanë ndezur petarda.