Dy të plagosur pas dy përleshjeve të dhunshme

Përleshjet e dhunshme që ndodhën në dy lokacione të ndryshme në Bazel, gjatë natës së shtunë dhe të diel, kanë lënë dy të plagosur.

Dy persona u plagosën, nga të cilët njëri rëndë, në përleshjet e dhunshme që ndodhën në dy lokacione të ndryshme në Basel. Mediat zvicerane flasin për një maqedonas 25 vjeç, i cili sipas informacioneve të fundit është plagosur rëndë në kokë. Ndërsa një 31-vjeçar portugez është therur me thikë, pasi që kishte tentuar të ndërhyjë në një tjetër përleshje të dielën në mëngjes.

Të dielën, menjëherë pas orës 02:00, mediat raportojnë se ka shpërthyer një luftë, në të cilën njëzet persona ishin të përfshirë. Maqedonasi 25 vjeç ka marrë një goditje të rëndë në kokë dhe qëndronte i shtrirë në tokë, i cili është dërguar urgjentisht në spital më pas. Sipas dëshmitarëve, thekson shtypi, sulmuesi ishte një shqiptar.

Ndërsa para orës 07:00 po të njëjtës natë, në një pjesë tjetër të Bazelit, një portugez 31 vjeç kishte tentuar të ndërhyjë në një mosmarrëveshje mes dy të huajve dhe shoqëruesve të tij. Ai është sulmuar dhe është therur me thikë. Sulmuesi pastaj ka ikur. Edhe këtu, sipas deklaratave të viktimës, sulmuesi ishte shqiptar. Hulumtimet kanë mbetur të pasuksesshme dhe policia është në kërkim të dëshmitarëve.