Dy shqiptarë kapen me disa kilogramë drogë dhe shuma të mëdha parash

Policia ka sekuestruar heroinë, kokainë në sasi prej disa kilogramësh dhe disa dhjetëra mijëra franga para të gatshme

Policia e Lucernit ka arrestuar dy tregtarë të dyshuar droge të premten e kaluar, transmeton albinfo.ch. Me atë rast janë sekuestruar heroinë, kokainë dhe dhjetëra mijëra franga cash.

Hetimet janë duke u zhvilluar nga prokuroria publike në Kriens, shkruan polizenews.ch

Kjo është rrjedha e rastit: Të premten në mëngjes, 7 tetor 2022, policia e Lucernit kishte arrestuar një tregtar të dyshuar droge në qytetin e Lucernit. Pasdite një tjetër person është arrestuar në lidhje me këtë në lagjen Reussbühl, po të këtij qyteti.

Me këtë rast policia ka sekuestruar heroinë, kokainë dhe materje për përpunimin e drogës, në sasi prej disa kilogramësh dhe disa dhjetëra mijëra franga para të gatshme, transmeton albinfo.ch. Dy të arrestuarit janë 22 dhe 28 vjeç dhe vijnë nga Shqipëria.

(Foto: Luzerner Polizei)

 

---