Dy ansamble të këngëve dhe valleve nga Kosova vizitojnë Austrinë

AKV- Hasan Prishtina nga Vushtrria dhe AKV- Anamorava nga Vitia me ftesën e shoqatës Internacionale  nga  Kapfenberg-u  do të vizitojnë këtë qytet, qytetin e afërt Bruck an der Mur si dhe Gracin, shkruan albinfo.at.

Këto ansamble të këngëve dhe valleve do të i shoqërojnë edhe zyrtarët komunal nga Vushtrria në krye me kryetarin z.Ferit Idrizi dhe bashkëpuntorët e vet si dhe zyrtarë nga Vitia të deleguar nga kryetari  z. Sokol Haliti.

Këto delegacione nga Kosova do të priten nga zyrtarë komunal të komunës së  Kapfenberg-ut ku do të diskutohen tema me interes të përbashkët dhe ky është vazhdim i bashkëpunimit nga viti i kaluar, kur 20 artistë austriakë  dhe zyrtarë komunal u priten nga disa komuna kosovare për pesë ditë rresht me takime të ndryshme dhe koncerte të përbashkëta austriako-shqiptate.

Mbi 40 artistë të ndryshëm  kosovarë do të  paraqiten jo vetëm publikut shqiptar, por edhe atij austriak dhe shumë nacionaliteteve tjera të cilat do të organizohen për ta në këto qytete austriake.

Shoqata  austriake “Trachter Verein-Floninger” do të pret në një drekë ansamblet nga Kosova.

Për të interesuarit do të organizohet edhe një turnir në ping-pong nga miqtë austriak.

-Më 13 Qershor  nga ora 19 00 do të shfaqet koncert me dy ansamblet  nga Kosova si dhe ansambli Hyjnesha nga Graci në Kapfenberg.

-Më 14 Qershor ansambli “Hasan Prishtina” dhe  “Anamorava” do të marrin pjesë në festivalin e përvjetshëm  “One World Festival” në sheshin e qytetit Kapfenberg  në mesin e grupeve dhe ansambleve tjera dhe do të ndjeket edhe nga mediumet austriake dhe shqiptare si RTV 21, radio Helsinki në gjuhën shqipe si dhe gazetar të portaleve të ndryshme.

Më 15 Qershor  dy ansamblet do të paraqiten në “Dita kulturore shqiptare në Grac që organizohet nga shoqata “Atdheu”.

Ansambli Hasan Prishtina -Vushtrri

Udhëheqës artistik-Driton Verbovci

Solistë :

Fazli Rashica

Lidije Pasoma

Shaban Krasniqi

Selvete Terstena

Sahit Krasniqi

Mergim Zeka

Lejla Nika-Diar Meholli (duet)

Driton Jakupi

Ali Gerguri

/Do të shoqërohen nga orkestri komplet i këtij ansambli./

Ansambli Anamorava – Viti

Grupi i valleve

Udhëheqës artistik-Arianit Hetemi

Koreograf: Feim Leka

Soliste:

Merita Sahiti Selishta.

Mysafirë të tjerë:

-Dilaver Kryeziu-koreograf,

-Enver Krasniqi, kryetar i Federatës së Boksit të Kosovës.

-Artan Krasniqi, Kryetar i Këshillit të Kosovës për Trashëgimi Kulturore.

-Albinot Bimbashi, i ngarkuar me punë pranë ambasadës së Kosovës në Vjenë.

                   Info :

          Internationaler Verein

          Kryetar : Naim Sadiku

---