Duelin e shekullit e fiton Mayweather

Ky duel është cilësuar si i shekullit, pasi kishte marketing të madh, dhe iu vë nofka, dueli i 600 milionë dollarëve. Fillimisht Floyd Mayweather do të merr 100 milionë dollarë, derisa McGregor 30 milionë dollarë

Floyd Mayweather ka fituar meçin të cilësuar si të shekullit ndaj irlandezit Conor McGregor, shkruan albinfo.ch.

Këtë meç e ndërpreu gjyqtari, pasi McGregor nuk mund të ecte më në këmbë, dhe ishte tërësisht i dorëzuar. Dueli zgjati dhjetë raunde.

Në fillim irlandezi ishte më i mirë, megjithatë me kalimin e kohës, amerikani dëshmoi se pse është i pamposhtur në boks, dhe fitoi me plotë meritë.

Për McGregor, i cili është mjeshtër i arteve marciale, kjo ishte lufta e parë në boks, derisa Mayweather nuk njeh humbje me 50 fitore.

Ky duel është cilësuar si i shekullit, pasi kishte marketing të madh, dhe iu vë nofka, dueli i 600 milionë dollarëve. Fillimisht Floyd Mayweather do të merr 100 milionë dollarë, derisa McGregor 30 milionë dollarë, por këto të ardhura do të rriten, pasi ka pasur shumë marketing dhe shikues.

Meçi është zhvilluar në Las Vegas të SHBA-së.