Dua Lipa edhe pas 19 javësh në top-20 të albumeve në Britani

Albumi i parë i këngëtares kosovare, Dua Lipa, i titulluar “Dua Lipa” po vazhdon të shijojë sukses në Britani të Madhe.

Në Top-Listën Zyrtare ky album ka 19 javë që qëndron në mesin e albumeve më të suksesshme, shkruan albinfo.ch.

Për këtë javë, ky album u rendit në vendin e 18-të.

Sipas njoftimeve zyrtare nga kjo top-listë, albumi i Dua Lipas ka qëndruar në top-dhjetëshe nëntë javë, në top-20 14 javë dhe në top-40 plot 19 javë.

Kënga më e suksesshme nga ky album mbetet “New Rules”, me të cilën Lipa ka hyrë në top-pesëshe.