DSP: Grante për organizatat e diasporës

Me mbështetjen e Zyrës Zvicerane për Bashkëpunim në Kosovë (SCO-K) dhe Fondacionit Kosovar për Shoqëri Civile (KCSF), organizatat në diasporë  do të përfitojnë grante, të cilat kanë për qëllim mbrotjen e të drejtave qytetare dhe politike të diasporës në Kosovë dhe bartjen e dijes nga diaspora e Kosovës për zhvillim shoqëror dhe ekonomik të Kosovës.

Qëllimi i përgjithshëm i DSP është ta përkrahë zhvillimin e një shoqërie demokratike në Kosovë. Gjatë viteve 2014 – 2018, përveç përkrahjes për projekte që zbatohen nga organizatat e Kosovës, DSP-ja do të ofrojë edhe përkrahje për organizatat e diasporës.

Fushat të cilat përkrahen nga DSP mbulojnë të drejtat qytetare dhe politike të diasporës në Kosovë dhe bartjen e dijes nga diaspora e Kosovës për zhvillim shoqëror dhe ekonomik të Kosovës.

Për arritjen e këtyre qëllimeve, DSP-ja përmes granteve do të financojë projekte që vijnë nga potencialet ekzistuese dhe ato të reja të shoqërisë civile në diasporë.

Me projekt propozimet e tyre aplikuesit duhet të trajtojnë njërën nga fushat prioritare të cekura më poshtë:

Mediet dhe shoqëria civile e diasporës kontribuojnë në proceset e hartimit të politikave dhe të vendimmarrjes, të cilat pasqyrojnë të drejtat qytetare dhe politike të diasporës në Kosovë.

Përkrahja e nismave, përmes të cilave tentohet krijimi i mekanizmave të qëndrueshëm dhe institucionalë për ofrimin dhe bartjen e dijes sektoriale nga diaspora në Kosovë.

Organizatat e shoqërisë civile me bazë në diasporë duhet të plotësojnë formën e aplikimit për grante dhe buxhetin së bashku me të gjitha shtojcat obligative. Aplikacionet e kompletuara duhet të dorëzohen përmes emailit në [email protected] më së voni deri me datë 30 shtator, 2015.

Të gjitha informatat shtesë mbi projektin DSP përfshirë udhëzimet e aplikimit për diasporë dhe format e aplikimit i gjeni në vegëzën www.kcsfoundation.org/dsp.

Çfarëdo pyetje lidhur me përgatitjen e aplikacioneve apo me hollësitë rreth aplikimit për grante mund të dërgohet përmes postës elektronike në [email protected]  më së voni deri më 31.08.2015. Të gjitha përgjigjet do të vendosen në faqen tonë të internetit gjatë muajit shtator, 2015.